लालपरीचा प्रवास किती सुलभ आणि  स्वस्थ आहे तसेच एसटी मार्फत  राबविण्यात येणाऱ्या विद्यार्थी पास, कामगार पास, जेष्ठ नागरिक सवलत , आवडेल तिथे प्रवास याबाबतची माहिती प्रवासी वर्गापर्यंत थेट पोहचविणे. हे मुख्य उदिष्ट आहे. 

एखाद्या आगारामार्फत नवीन मार्गावरील एसटी बससेवा सुरू झाल्यास एसटी बस कोणत्या मार्गे जाणार त्याचा तपशिल त्याबाबतचे वेळापत्रक, आगाराचे संपर्क क्रमांक, तिकीट बुकींग बाबतची माहिती तयार करणे व प्रवाश्यांना ठळकपणे दिसण्याकरीता जाहिरात प्रसार माध्यमांपर्यंत पोहोचविणे. 

कधी कधी अशी वेळ येते की, एसटी बस वरील मार्गफलकाचा वारंवार वापर होऊन त्याची झीज होते त्यामुळे एखाद्या मार्गवरील प्रवाश्यांना मार्गे नीट पाहता येत नाही. ही बाब या संस्थेच्या निदर्शनास आल्यापासून बसस्थानकांमधील वाहतूक नियंत्रक यांच्याकडून आवश्यक मार्गफलकांची यादी घेवून संबंधित मार्गावरील मार्गफलक देण्याचे काम केले जाते. 

    गणेशउत्सव, यात्रा स्पेशल, वारी अश्या वेळी बसस्थानकांमधील गर्दी पाहता ठीकठिकाणी कोकण एसटी प्रेमी द्वारे प्रवासी सहाय्यता कक्ष उभारण्यात येते. यात मुख्यता प्रवाश्यांना बसची माहिती देणे कोणती बस किती वाजता व कोणत्या फलाटावर लागणार याची माहिती पोहचविण्याचे काम करण्यात येते.